1- كُن متواضع دايماً وابداً
أتعلمت إن مهما الواحد كبر وعلي مقامه وكسب مال أو وظيفة كويسة أو أي نعمة أنعم عليا ربنا بيها إن دايما أكون متواضع وأحمد ربنا على النعمة دي وماتكبرش على الناس.. فمَن تواضع لله رفعهُ.
2- مش لازم يحبك كل الناس
لان ده شئ مش طبيعي ومحدش نجح إنه يعمله بالعكس اللي ملوش حد بيكرهه مايبقاش ناجح لأن دايماً النجاح بيصاحب كارهين وحقودين للنجاح ده.
3- أشتغل بجِد
إني لو عندي حلم أشتغل عليه وأشتغل على أي حاجة توصلني ليه مش دايماً أطلع لنفسي أسباب وأعذار لأنهم بداية الفشل. إذا عمل أحدكم عملاً فل يتقنهُ .. حتى لو كان بسيط
4- إني لا أعرف شئ
أكتشفت إني مهما زادت معرفتي وزاد عملي وإجتهادي فإنها نقطة في علوم الله التي لا تنتهي .
5- دور الضحيّة
إني ماعش دور الضحية كتير وماضيعش وقت فيه لأنها مش حاجة غير إنها تضييع وقت وبس وكمان بتخليك تخلق حجج مبررات لنفسك وهمية.
6- كُن هادي
أتعلمت ان دايماً أحاول أن أكون هادي في كُل المواقف لأن العصبية دايماً بتصاحبها قرارات ومواقف هتندم عليها كتير ولازم تفرق بين العصبية والغضب فالبهدوء والحكمة يكون الموضوع والحل سهلاً.
7-الأخلاق
إني أتصرف دايماً بحسن نيّة ومعاملش أي شخص معاملة تسئ ليه وإن أفكر دايماً فالطريق الصح وأشوف وأعامل ربنا في كُل الناس وكُل عمل.
8-الأقنعة
إني ماحاولش البس وش مش وشي لأن غالبا بينتهي بيك المطاف مكشوف وكمان لما تكون بطبيعتك بتوفر وقت وجهد وبتخلي طريقك سهل وقصير للوصول وبتخلي دايماً عندك ثقة في نفسك لأنك صادق مع نفسك وصادق مع الناس ونفسياً مرتاح.
9-السكوت
أتعلمت أن السكوت فعلاً من دهب إن اللي بيتكلم كتير بيغلط كتير.
10-الحياة
إن طول ماحنا عايشين فالدنيا فاحنا المفروض نتعظ ونغتنم أي فرصة في رضا ربنا وده أكبر فوز فالدنيا فإنها فانية.. فإعمل لآخرتك..
ليست هناك تعليقات:
إرسال تعليق